Ermera,10 Juñu 2024- Autoridade Proteção Civil (APC) Munisípiu Ermera liuhusi Xefe Brigada III Bombeiros Munisípiu Ermera Filipe da Costa simu informasaun husi Xefe Suku Mertutu kona-bá akontesimentu ai ne’ebé tohar iha Suku Mertutu Postu Administrativu Ermera Munisípiu Ermera.
Wainhira hetan informasaun Xefe Brigada III Bombeiros munisípiu Ermera Filipe da Costa hodi oreinta kedas ekipa Korpu Bombeiros Munisípiu Ermera ba kedas iha fatin akonetesimentu hodi tesi ai ne’ebé tohar atu nune’e bele normaliza fila-fali movimentu públiku diresaun postu administrativu Hatulia. A, Munisípiu Ermera.
Xefe Brigada III Bombeiros Munisípiu Ermera Filipe da Costa nafatin apela ba komunidade sira hotu iha Suku Mertutu laran tomak atu nafatin antisipa tamba agora ne’e tempu udan ho anin.
Media APC Munisipiu Ermera