Lautém, 18 Juñu 2024 – Autoridade Protesaun Sivíl (APC) Munisípiu Lautém, ohin hetan vizitasaun husi Reprezentante Organizasaun Naun-Guvermentais (ONG’s) Internasionais “International Organisation Migration” (IOM) iha Eskritoriu Komandu APC Munisípiu Lautém.
Ekipa ONG’s IOM ne’e simu direta husi Segundu Komandante APC Munisípiu Lautém Abilio dos Santos no akompaña husi Xefe Departamentu Diresaun Nasional Jestaun Risku Dezastre (DNGRD) Mateus da Costa.
Asuntu vizitasaun husi IOM ne’e, hodi halo koordenasaun no kooperasaun servisu liuhusi APC, no mós ko’alia sobre planu no programa projetu IOM nian hodi halo instalasaun, perfurasaun bee inklui kanalizasaun bee ba fatin sentru evakuasaun nian.
Aproveita tempu, hamutuk Segundu Komandante APC Abilio dos Santos no ekipa servisu IOM, ba observa direitamente fatin destinadu ba sentru evakuasaun nian mak hanesan edifisiu “GOR” Munisipál Lautém.
Media APC Lautém.