Manatuto, 19 Juñu 2024-Komando Autoridade Protesaun Sivíl (APC) Munisípiu Manatuto ne’ebé lidera husi Adjunto komandante Antonio Vitorino Fernandes akompaña husi xefe Dept Jestaun Rekursu João Soares liuhusi Corpo Bombeiros ne’ebé lidera husi Simão da Costa Soares hamutuk ho estrutura Corpo Bombeiros ohin partisipa iha formasaun Rejiklajen Matéria Espesífiku kona-bá área seguransa kontra inséndiu no resgate no salvamentu, formasaun ne”e sei realiza durante loron rua ne’ebé fasilita husi instruktor DNB Nasional Luis Araujo ho Ekipa.
Dir DNB (Dirasaun Nasional Bombeiros) Paulo Anibal Maia iha Nia Abertura hateten katak “Formasaun durante loron rua ne”e atu realiza atividade Resiklajen Matéria Espesífiku Siguransa kontra inséndiu no resgate ba salvamentu, atu halo réviu no fanun hikas ita kona-bá matéria jerál Bombeiros nian “. Ho Ida ne’e Dir Bombeiros mós hateten ba Corpo Bombeiros sira katak pontualidade no disiplina iha servisu fatin importante hatene kna’ar no misaun servisu Bombeiros nian, no husu ba hirak ne’ebé partisipa iha formasaun ne’e atu iha vontade di’ak no ativu hodi simu materia ne’ebé sei fó husi ita nia treinadór sira”. Fatin formasaun koarter Bombeiros Postu Administrativu Manatuto vila Munisípiu Manatuto.
Media Apc Manatuto.