Dili, 25 Juñu 2024-Autoridade Protesaun Sivíl liu hosi Gabinete Inspesaun no Auditoria Interna (APC-GIAI) realiza primeira desiminasaun ho tema “Inspesaun no Auditória hodi Garante Sistema Boa Governasaun iha APC-SEPC foku liubá ba kargu xefia sira hanesan nível diretór, komandante operasaun munisípiu, xefe departamentu no seksaun sira.
Sekretáriu Estadu Protesaun Sivíl Domingos Mariano Reis ba jornalsita sira hateten importante ba kargu xéfia sira liu-liu diretór no xefe departamentu sira hodi hasa’e koñesimentu sira-nian hodi labele implika no fó risku iha nivel foti desizaun atu promove transparánsia, akontabilidade hodi garantia sustentabilidade ba dezenvolvimentu nasaun nian.
SEPC husu ba diretór sira tenke hatene regras ezekusaun orsamentu no planu, bele iha planu organiza diak, atualiza diak, mobiliza diak maibe tenke kontrolu mós diak hodi garantia tranparensia sistema akontabilidade hodi bele garantia promove poupansa orsamentu estadu garantia sustentavel ba estadu no pais nian.
Iha fatin hanesan Inspetor Geral do Estado, Fransisco de Carvalho konsidera desiminasaun atu fó hanoin ba malu, ba diretór, adjuntu no xefe departamentu sir abele atensaun didi’ak kona-ba servisu, atende servisu ho diak, kuidadu ba lei no prosedimentu.
“Ita hotu hatene katak APC instituisaun ne’ebé mak bom, maibé iha kna’ar balun ne’ebé mak importante tebes, kna’ar ne’e mós importante tebes maibé iha mós risku ba ema funsionáriu sira rasik bele hetan dezestre sira ne’e, maibé ne’e mós bele monu ba tentasaun,” esplika Inspetór Jerál Estadu.
Entretantu, sai oradór importate iha desiminasaun ne’e Inspetor Geral do Estado, Fransisco de Carvalho aprezenta material kona-ba inspesaun no auditória, enkuantu Inspetora Jerál Ministériu Interior aprezenta asuntu ligadu ho inspesaun no auditóri, indisiplinár servisu.
Autoridade importante ne’ebé partisipa iha desiminasaun ne’e kompostu hosi Komandante Operasaun Nasionál APC, Superintendente Polísia Nuno Romualdo Gomes, inkliu Komandante Operasaun ho ninia adjunto sira hosi munisípiu 14, inklui REAOA no Ataúro.
#Bazi#Fredy/GREC-APC