Lautém, 27 Juñu 2024 – Autoridade Protesaun Sivíl (APC) Munisípiu Lautém, liuhusi servisu Diresaun Nasional Bombeiros (DNB) ohin enserra ona matéria Resiklajen espesífiku Bombeiros kona-bá área Seguransa Kontra Insendiu no Resgate i Salvasaun, ne’ebé fasilita husi instrutór Bombeiros Luis Araujo no Bruno Magalhaes.
Resiklajen matéria ne’e espesiál ba Xefe Brigadas no membrus Korpu Bombeiru sira, ho objetivu hodi porfunda ou eleva liutan kuñesimentu membru sira bainhira halo intervensaun rápida iha situasaun emerjensia ou dezastre oinsa bele responde no salva vítima dezastre sira.
Programa Resiklajen no Resgate ne’e hahú iha loron horseik ho teoria no remata ohin ho prátika. Programa ne’e ohin taka ofisialmente husi Reprezentante Diretor Nasional DNB Luis Araujo,
Iha oportunidade ne’e, funsionáriu APC husi servisu Diresaun Nasional Jestaun Risku Dezastre (DNGRD) mós hola parte iha programa Resiklajen no Resgate ne’e hamutuk ho membru Korpu Bombeiru sira durante loron rua nia laran.
Media APC Lautém.