Dili, 29 Juñu 2024-Vise-Primeiru Ministru, Ministru Kordenadór Asuntu Sosiais no Ministru Dezenvolvimentu Rural no Abitasaun Komunitária Eng. Mariano Assanami Sabino Lopes, reprezenta Primeiru Ministru hato’o parabens ba instituisaun APC ba aniversáriu no ezisténsia iha Timor-Leste.
“Reprezenta Primeiru Ministru, hakarak hato’o hakuak bo’ot no parabens ba imi, tamba imi nia ezistensia hanesan hakerek iha imi nia motto katak imi fo imi nia vida hodi salva ema seluk nia vida. Ida ne’e terminasaun ida, dedikasaun ida no komitmentu ida ne’ebé bot tebes,” Hatoo Vise Primeiru Ministru.
Governante ne’e deklara parte IX Governu Konstitusionál sei fó apoiu tomak oinsa mak fortalese liutan, haforsa liutan instituisaun APC ida ne’e.
“IX Governu Konstitusionál sei fó apoiu tomak oinsa mak fortalese liutan, haforsa liutan instituisaun ida ne’e liu husi formasaun ne’ebé adekuadu hodi hasa’e kapasitasaun ne’ebé d’iak liu tuir objetivu sira ne’ebé mak ohin Prezidente Protesaun Sivíl hateten ona katak ita nia misaun ne’e tomak maibe ita mós forte hatudu ba iha nasaun viziñu sira no ba iha rejiaun ida ne’e tuir padraun ka standar normalmente Protesaun Sivíl sira iha rai hotu. Tamba ne’e Governu nafatin fo apoiu iha tinan rua ne’e, bele halo diágnostiku ne’ebé klean atu iha parte ne’ebe mak presiza hadia, iha sistema ne’e presiza hdia mak sistema traballu, sistema servisu hamutuk, espesial ba formasaun atu kapasitasaun e halo projeksaun ba future oinsa halo rejenerasaun para atu fó kontinuidade,” deklara Membru Governu ne’e.
Vise PM, mós apresia no agradese ba sira ne’ebé tuan liu no sira ne’ebé hahu instala no ba entidade sira hotu ne’e konstroe instituisaun ida ne’e. maske foin tinan rua maibe responsabilidade iha ona imi nia oin. Parabens ba hot-hotu.
Iha biibane ne’e, Ministeriu interior Francisco Guterres, hato’o parabens ba Autoridade Protesaun Sivíl ne’ebé halo ona tinan rua, hanesan instituisaun foin hahu maibe prestasaun ba servisu sira iha Protesaun Sivíl, hahu desde keda dois mil mai to’o agora.
“Em primeiru lugar lori Ministério Interior nia naran, hakarak hato’o parabens ba Autoridade Protesaun Sivíl halo tinan rua ita hatene katak tinan rua ne’e, foin hahu iha primeira faze, instituisaun foin hahu tinan rua ba nia sevisu hahu desde dois mil mai to’o agora tamba ne’e maka ha’u hanoin ita so halo mudansa ba instituisaun estruturais hodi halo’o enkontru hodi servi di’ak liu ema sira ne’ebé maka iha instituisaun nia laran fo nia dedikasaun ba iha povu ida ne’e rai ida ne’e tamba ida ne’e dala ida tan parabens ba ita bo’ot sira”.
Iha momentu hanesan, Governante ne’e mós apresia ba servisu ne’ebé mak Autoridade Protesaun Sivíl halo iha tinan rua konsege estabelese estruturas to’o iha munisípiu hodi bele servi ita nia povu ne’ebé kaer mak motto ne’ebé dehan fo vida hodi salva vida.
“Apresia ba servisu ne’ebe maka Autoridade Protesaun Sivíl halo iha tinan rua konsege estabelese estruturas to’o iha munisípiu hodi bele servi ita nia povo APC hanesia ohin PA ko’alia fó vida hodi salva vida katak tama iha situasaun ida difisil, dezastre ita bot sira tenki iha oin, tama ne’e iha komemorasaun ba dalarua ne’e, manten nafatin ita bot sira nia espíritu servi povu ida ne’e, mantein dixiplina, mantein respeita ba hirarkia atu servisu hamutuk hodi dezenvolve estadu ida ne’e hodi servi povu Timor-Leste,” Rekoñese MI.
Governante ne’e mós husu ba Instituisaun ida ne’e, atu dezenvolve an ba to’o iha Munisípiu no Postu hodi servi povu sira iha areas remotas. Sira hein hela Protesaun Sivíl, iha tempo dezastre sira hein hela ema ruma atu fo hela liman ba sira no ema ne’ebé primeiru to’o uluk iha ne’ebá mk Protesaun Sivil bot sira. Aliende ne’e, Ministru Interior ne’e mós husu ba instituisaun relevante sira hotu atu servisu nafatin ho Protesaun Sivíl atu dezenvolve di’ak l iutan hodi servi povu no rai doben ida ne’e.