Manufahi, 03 Jullu 2024-Autoridade Protesaun Sivíl (APC) Munisípiu Manufahi liuhusi Segundu komandante APC Manufahi Joni Da Costa Tilman Martins akompaña husi xefe gabinete DNGRD Elezito da Costa Machado ba loron ohin sai oradór ba programa refreshing trainning ba konsellu Suku iha Suku Mahaquidan Postu Administrativu Alas Autoridade Munisipál Manufahi.
Matéria íntimu ne’ebé aprezenta kona-bá matadalan redusaun risku dezastre ninian no siklu no aspeitu manajementu dezastre nian. Lia nain Suku Mahaquidan ne’ebé reprezenta Xefe Suku Mahaquidan Julio Hornai hateten “formasaun refere sira hanesan Autoridade Suku presiza dunik hodi halo atendementu ba komunidade sira tamba baibain komunidade sira afeita ba dezastre ruma sira hanesan Autoridade lahatene atu diriji ba orgaun ida ne’ebé”.
Formasaun ne’ebé iha sira hatene ona oinsa atu koloka ba wainhira komunidade sira hetan dezastre, formasaun refere hahú ohin dia 3 no sei remata iha loron aban dia 4 Jullu 2024.
Branco Média APC Manufahi