Lautém, 5 Jullu 2024 – Komandu Operasional Autoridade Protesaun Sivíl (APC) Munisípiu Lautém ohin liuhusi Segundu Komandante APC Abilio dos Santos, partisipa enseramentu ba treinamentu primeiru sokorru nian iha Suku Muapitine, Postu Administrativu Lospalos, Munisípiu Lautém.
Treinamentu ne’e, hala’o ona durante loron tolu (3) ba Autoridade Lokál sira inklui reprezentante juventude Suku Muapitine, kona-bá primeiru sokorru nian oinsa atu bele atende no salva vida vítima dezastre sira molok lori vítima ba iha Sentru Saúde.
Treinamentu ne’e hala’o husi CVTL-Filial Lospalos, ne’ebé fasilita husi Organizasaun Naun-Guvermentais (ONG’s) ‘Catholic Relief Services’ (CRS) liuhusi ‘programme officer’ Marfino dos Santos.
Treinamentu ne’e ohin enserra husi Xefe Suku Muapitine Livio Mendes no iha tempu ne’ebé hanesan Segundu Komandante APC Abilio dos Santos hamutuk reprezentante parseiru CRS entrega kedas pasta materiál primeiru sokorru nian.
Edy Media APC Lautém