Dili, 8 Jullu 2024 – Autoridade Protesaun Sivíl (APC), liuhusi Diretor Gabinete Relasaun Externa no Komunikasaun (GREC), Cesario da Silva Marques relata dadus akontesimentu iha semana ida nian ba públiku, durante semana ne’e, xefi família hamutuk 185 mak afeitadu husi dezastre naturais ho tipo ne’ebé la hanesan.
Porta voz APC liu husi konferénsia imprensa ne’ebé hala’o iha Salaun konferénsia APC Kaikoli Dili Segunda-Feira semana ne’e.
“Hahu iha loron 1 – 8 Jullu 2024, durante semana ida ne’e, iha rejiaun Timor-Leste normál no akontese tipu dezastre maka CNOPC-APC rejistu kazu tipu dezastre hamutuk 59, númeru uma estragus 21, no númeru ema afetadus 185”.
Atuál Diretor GREC ne’e relata lia hirak ne’e ba jornalista sira durante konferénsia inprensa iha APC Kaikoli Dili. Porta-voz ne’e haktuir, Munisípiu sira ne’ebé afeitadu ba dezastre naturais ne’e hamutuk sanolu (10), husi Munisípiu sanulu ho tipu dezastre anin bo’ot, insédiu, rai halai, be’e sa”e no Assidente maritima.
Tuir porta-voz APC ne’e, liuhusi dadus ne’ebé mai husi kada Munisípiu, CNOP-APC rejista uma hamutuk xefi famílias 185 hetan estragus no, liu-liu iha Munisípiu sira hanesan Munisípiu Ataoru Asidente Marítima (16), Munisípiu Bobonaro anin sobu (3), Munisípiu Baucau anin sobu (4) , Munisípiu Covalima anin sobu (1), rai halai (2), Munisípiu Ermera rai halai (9) , Munisípiu Dili ahi han (1), Munisipiu Lautém anin sobu (1),Be’e sae (11), Munisípiu Manatutu anin sobu (4) rai halai (1), Munisipiu Manufahi Rai halai (2), no Munisípiu RAEOA Anin sobu(4) .
Comando APC Munisipiu ho Parseirus Relevante fornese asistensia emerjénsia ba família afetadus sira mak hanesan ai-han no laos ai-han (food item & Non-food Item).
Komando Operasional Autoridade Protesaun Sivil ( APC) Munisipiu sira sei kontinua halo hela levantamentu detaillus kona-bá sasan ne’ebé estragus no lakon.
#Cipriano Mesquita & Fredy#