Dili, 08 Jullu 2024-Ekipa Gabinete Relasaun Externa no Komunikasaun ho ekipa Sekretaria Estadu Protesaun Sivil (GREK-SEPC) konvoka ekontru ho UN WOMEN hodi ko’alia preparasaun téknika relasiona ho serimónia asina nota entendimentu entre UN WOMEN ho SEPC, ne’ebé sei hala’o iha kinta-feira, semana ne’e iha salaun Autoridade Protesaun Sivil (APC), Kaikoli-Dili.
Koperasaun ne’ebé SEPC ho UN WOMEN sei asina foku liu ba programa ” Partisipasaun Feto Timor Oan iha Redusaun Risku Dezastre no Empoderamentu Ekonomia Feto ba Rezilénsia Klimátika nian.
Enkontru preparasaun téknika hare’e hamutuk esbosu kona-bá konteudu koperasaun, konvite, tópiku, ajenda, fatin, MCI, ne’ebé prepara hosi ekipa GREK, inklui ko’alia moós asuntu sira seluk ne’ebé sei responsabiliza hosi parte UN WOMEN.
Media APC-GREC