Dili, 16 Jullu 2024-Molok konklui mandatu, Prezidenti APC atu’al, Superitendente Polisia, Ismael da Costa Babo hala’o sorumutu ikus ho Diretor, Xefe Departamentu, Xefe Seksaun no funsionariu Diresaun Nasional Jestaun Rekursu (DNGR) iha salaun APC, Kaikoli.
Iha sorumtu, Prezidente APC Atual, Superitendente Polisia, Ismael da Costa Babo konsidera DNGR hanesan diresaun servisu mais extra ordinadu husi operasaun sira kuandu ejekuta orsamentu.
“Diresaun ida ne’e dirasaun ida ne’ebe maka kuaze servisu iha situasaun normal no situasaun dezastre,” hateten Prezidenti Babo.
Nia fundamenta “durante hare ita-bo’ot sira funsionáriu (DNGR) servisu los duni la’os de’it Prezidenti mesak, maibé ho ita bo’ot sira-nia apoiu no matenek dedikasaun konsege ita harii APC hodi kompleta sistema integradu seguransa nasional tanba ita boot sira-nia matenek no dedikasaun.”
Primeiru Lideransa APC husu ba funsionáriu sira atu kontinua servisu profisional servisu, espiritu unidade nasionál nomós espiritu ekipa servisu. Tamba diresaun importante husu ita boot sira atu kontinua nafatin ho Prezidente foun la’os ema seluk mesak Timor oan hotu.
“Husu ba ita-boot sira atu kontinua fo matenek, dedikasaun, espiritu servisu hodi apoiu ita nia Prezidente foun atu forte nafatin,” tenik Prezidente APC, Sup. Polisia, Ismael da Costa Babo
Direjente deklara nu’udar ema sidadun normal hanesan Ismael da Costa Babo husu desklupa durante servisu dala ruma hasai liafuan no orientasaun hakilar malu no hirus tamba nesesidade estadu.
Iha fatin hanesan, Diretór DNGR Virgilio dos Santos Saores ho mata ween hatoo garedese profundu ba Prezidente APC atual, Superitendente Polisia, Ismael da Costa Babo ba ninia di’ak tomak durante lidera APC.
“So hakarak agredese ba Prezidente atual durante ninia manadatu halo buat barak, ita mos la haluhan no la nega Prezidente atual nia obra ne’ebe husik hela mai ita. Ita so agrdese ba buat hotu ne’ebé halo ba ita,” lia fuan agredese Diretor DNGR.