Lautém, 17 Jullu 2024 -Komandu Operasional Autoridade Protesaun Sivíl (APC) Munisípiu Lautém, ohin liuhusi servisu Diresaun Nasional Jestaun Risku Dezastre (DNGRD), kontinua hala’o monitorizasaun ba vítima dezastre naturais ou benefisi’ariu sira ne’ebé hetan ona apoiu materiál rekuperasaun husi governu liuhusi APC iha tinan kotuk 2023.
Monitorizasaun ne’e ohin hala’o liuhusi ekipa servisu DNGRD, ne’ebe lidera husi Komandante Operasional APC Inspetor Xefe Polisia; Tito da Silva, hamutuk Xefe Departamentu DNGRD; Mateus da Costa, ba iha Postu Administrativu Lospalos.
Total uma benefisiarius ne’ebe ohin ekipa ba monitoriza hamutuk uma-kain 18, kompostu husi Suku Home, Fuiloro no Suku Souro. Entre uma-kain hirak ne’e, iha benefisiarius uma-kain 4 mak seidauk konstrui ou hadia nia uma hela fatin, tantu benefisiáriu sira seluk komesa konstrui fila-fali sira nia uma.
Edy Média APC Lautém.