Dili, 22 Jullu 2024-Sekretáriu Estadu Protesaun Sivíl, Domingos Mariano Reis no Prezidente Sesante Autoridade Protesaun Sivíl Ismael da Costa entrega servisu ba atuál Prezidente Autoridade Protesaun Sivíl, Jesuino dos Reis Matos Carvalho, iha Salaun APC Kaikoli Dili.
Iha Diskursu, Sekretariu Estadu Protesaun Sivíl Domingos Mariano, Reis hateten, lei orgánika apela ona Protesaun Sivíl nian ne’ebé maka tau ona iha ne’ebá katak Prezidenti Autoridade Protesaun Sivíl muda ema ba sivil.
“Mensajen ba prezidente foun mak hanesan disiplina, loialidade, onestidade, tranferénsia iha abilidade hodi bele garantia sustentabilidade dezenvolvimentu APC nomós promove poupansa orsamentu jeral estadu nian hodi bele responde nesesidade povu Timor-Leste nian” hateten husi SEPC.
Alende ida ne’e SEPS Domingos Mariano Reis mensiona mós artigu 10 sistema siguransa nasional ne’ebé hateten APC integra nu’udar sistema integradu seguransa nasional, signifika katak ema sivíl, tanba komadante nasional polisia Nuno Romualdo nu’udar polisia ida ne’e simbolu ida, hatudu katak ida ne’e siguransa hodi bele halo kordenasaun ho Autoridade sira seluk ba liñas ministeriais liu liu ba forsa defesa nomós seguransa.
Atual Prezidente Autoridade Protesaun Sivíl, Jesuino dos Reis Matos Carvalho hataten, sai lider laos tamba nia hakarak, maibe atu responde ba superior sira nia hakarak atu kaer instituisaun ida ne’e.
“Ha’u mai la’os ha’u mak hakarak maibe atu Sai lider ida atu responde superior sira nian no garante hatudu esperansa kaer instituisaun ho diak no hatudu responsabilidade, pozisaun sai nu’udar lider hakarak pronto atu proteze servi iha kualker tempu no situasaun no Prontu atu mai hatutan de’it la’os atu mai hadia no pronto tanba imi iha kapasidade tiha ona no pronto atu servi”.
Lider Superior APC ne’e, subliña tan katak, nia sei mantein nafatin komitmentu kualidade servisu ne’ebé maka durante ne’e lao hela iha ambiente no kada funsionariu iha instituisaun ida ne’e, pronto atu hasoru dezafiu no obstákulu sai hanesan oportunidade atu avansa nafatin ba oin atu kontribui ba instituisaun ne’e
Nia slienta lutan katak sei servisu hamutuk nafatin ho funsionárius no kargu xefia sira hodi hametin liutan servisu liliu iha redusaun ba risku dezastre nian.
Iha okaziaun ne’e, Prezidente Sessante APC Superintendente Polisia Ismael da Costa Babo hateten APC hamrik durante tinan rua (2), buat lubuk ida mak atinje hamutuk ho komunidade ho lider nasional sira hotu.
Iha biban ne’e, prezidente sesante APC Superintendente Polisia Ismael da Costa Babo mos agradese ba nain ulun sira, husi Prezidente Repúblika, Parlamentu Nasional, Governu, nomós Tribunais sira tamba sira nia kontribuisaun maka konsege aprova lei APC hodi, bele Autoridade ne’e bele hamriik no kompleta instituisaun rua, mak hanesan Forsa Defesa no Polisia Nasional Timor Leste, tuir giaun lei seguransa nasional,
“Buat lubuk ida mak ita atinje ho dinamiku dezenvolvimentu ho mós adaptasaun mudansa klimatika ne’ebé maka ita labele ses. Ho nune’e ita hari instituisaun ne’ebé maka lao ho nia ritmu tuir nia planu estratejiku ne’ebé maka dezempeñu hamutuk. Ita atinje prioridade haat (4), maka mensiona durante ita nia mandatu no halo estudu kle’an no hari instituisaun ne’e, hare asuntu legais ninian, hare mós infrastrutura nomós kondisoes, e mós kapasitasaun rekursu umanu nomós koperasaun” hateten sesante Prezidente APC.
Atu remata, Ismael da Costa Babo subliña, internamente APC ninian liñas ministeriais ho mós parseiru dezenvolvimentu nian konsege instala iha APC nasional to’o iha muisipiu. Alende ida ne’e fasilidade barak maka APC atinje ona tuir kapasidade orsamentu ne’ebé distribui ba APC liu husi ministeriu interior, nune’e mós konsege representa estadu Timor-Leste sai membru ba produsaun Armas nuklear, sistema balun mak konsege instala iha nasional ne’e hodi detekta sub terenu, sub marinu no sub aero sira.
# Média APC#