Dili, 23 Jullu 2024-Ekipa Diresaun Nasional Jestaun Risku Dezastre hamutuk Komadante Munisípiu Dili Claudio da Silva, Sesante Komadante Operasional Munisípiu Dili, José Antonio Barata nomós Komadate UEPS Fernando da Costa entrega servisu ba Gia Servisu Ba Komadante Munisípiu Dili, iha salaun APC.
Komadante Munisípiu Dili Claudio da Silva hato’o agradesimentu ba sesante komadante operasional Munisípiu Dili José Antonio Barata ne’ebé durante tinan lubuk ida hamtuk iha fatin ida ne’e, buat barak mak hala’o ona no buat barak mak susesu ona, Buat barak ne’ebé maka halo ona hanesan no kontinua hadia liu tan karik buat balun mak seidauk ami sei halo servisu diak liu tan.
“Importante ba instituisaun ida ne’e laos buat barak, tenke servisu hamutuk fo liman ba malu, ita hotu iha ne’e hotu-hotu importante laiha ema ida mak l importante, tenke fiar malu, tenke unidade iha servisu nia laran. Servisu hamutuk ho objetivu ida ba susesu iha instituisaun APC” hateten Claudio da Silva.
Sesante Komadante Operasional Munisipiu Dili, José Antonio Barata deklara katak durante destaka nia mandate iha APC iha loron 1 fulan agustu 2022 hetan kargu nu’udar sai Komadante Operasional Munisipiu Dili nian hamutuk ho komadante operasaun atual no sira sanolu resin tolu ne’ebé maka destakadu iha munisípiu sanolu resin tolu inklui RAEOA.
“Laiha buat foun husi hanesan konfiansa no fiar ba asume kargu ida ne’e husu ba funsionáriu, estrutura sira atu fo nafatin konfiasa no apoiu máximu ba ita nia komadante foun ne’ebé mak sei asume no substitui kargu Komadante Operasional, signifika remata mandatu ida ne’e no laos sai fali inimigu maibe sai hanesan familia ida ne’ebé mak koñese malu iha instituisaun nia laran” hateten José Antonio Barata.
“nia esklarese tan katak hakarak hato’o husu perdaun ba ita boot sira no husu deskupa ba ekipa DNGRD-APC munisipiu Dili, karik liafuan ne’ebé maka halo moras imi nia laran karik atan husu perdaun.
Komadate UEPS Fernando da Costa mós sublina katak kargu sira ne’ebé mak iha hanesan provizoriu de’it laos permanete, lalika tau iha fuan maibe tau iha bolsu atu nune’e to’o iha tempu fó fali ba ema seluk.
BasilioVieira, GREC-APC