Manufahi, 27 Jullu 2024 Autoridade Protesaun Sivíl (APC) Munisípiu Manufahi liuhusi Segundo Komandante Bombeiros Jose Reis da Costa hamutuk ho ekipa Bombeiros Manufahi ohin servisu hamutuk ho PNTL Manufahi seksaun tránzitu halo evakuasaun ba vítima kondutór ne’ebé bakufila ho kareta iha area Ermeti, Aldeia Kotalala Suku Letefoho Postu Administrativu Same Autoridade Munisipál Manufahi.
Tuir informasaun ne’ebé Media APC hetan husi fontes sira katak kareta estadu ne’e ministériu saúde nian ne’ebé mak servisu saúde Munisípiu Manufahi utiliza hodi hala’o servisu tula batar u’ut husi Dili mai Same no ohin meiudia hetan asidente iha area Ermeti.
Entretantu kondutór hetan kanek kma’an ambulánsia Manufahi transfere ona ba iha Ospitál Same hodi hetan tratamentu intensivu.
Branco Média APC Manufahi