Manatuto, 13 Agustu 2024 -Autoridade Protesaun Sivíl (APC) Munisípiu Manatuto lidera husi Komandante Afonso Soares da Silva, Xefe Gabinete Munispál Jestaun Risku Dezastre Elvis Miguel Gonzaga hamutuk funsionáriu APC fó apoiu pakote emerjénsia aihan no laos aihan ba família afetada nain 8 ne’ebé nia uma hetan estragus kauza husi anin bo’ot nomós konflitus sosiál. Vítima hirak ne’e, husi Postu Administrativu Manatuto Vila no Postu Administrativu Laclubar, Munisípiu Manatuto.
Ekipa APC halo verifikasaun ba família afetada Paulo da Costa no Adriano Sarmento iha Aldeia Caunua Suku Cribas Postu Administrativu Manatuto Vila.
Iha loron hanesan ekipa APC kontinua fó apoia pakote emerjénsia aihan no laos aihan ba vítima Amar Soares, Guillermo Domingos, no Sebastião do E. Santo ne’ebé nia uma hetan inséndiu kauza husi konfrontu social ne’ebé akontese iha loron 9/07/2024 iha Aldeia Lawado, Suku Funar, Postu Administrativu, Munisípiu Manatuto.
Ekipa APC konsege verifika uma vítima afetada Carlos Soares husi Aldeia Amanun, Suku Manelima ne’ebé nia estragus kauza husi rai halai loron 15/6/2024.
Iha loron hanesan ekipa APC mós halo verifikasaun ba uma Fernando Soares iha Aldeia Fatulaun, Suku Orlalan ne’ebé nia uma hetan estragus kauza husi anin boot ne’ebé akontese iha loron 6/7/ 2024. No vítima Fernanda Soares iha Aldeia Balulin, Suku Batara hetan mós apoia pakote emerjénsia aihan no laos aihan ba nia uma ne’ebé hetan estragus
Geny Média APC Manatuto.