Manatuto, 15 Agustu 2024-Autoridade Protesaun Sivíl (APC),Munisípiu Manatuto lidera husi Komandante Afonso Soares da Silva, Xefe Gabinete Munisipál Jestaun Rekursu Joao soares, Xefe Gabinete Munisipál Elvis Miguel Gonzaga ho Xefe Unidade Aero Antonio Viegas ne’ebé reprezenta Komandante Operasional Nasional halo Sensibilizasaun Edukativu ba estudante sira kona-bá Jestaun Risku Dezastre Iha area kosteira, Postu Administrativu Manatuto Vila, Munisípiu Manatuto.
Atividade ne’e, hala’o iha eskola rua iha loron hanesan, iha Eskola Pre-Sekundaria Vasco da Gama, no Eskola Sekundaria Santo Antonio Manatuto (ESSAM), estudante ne’ebé partisipa iha sensibilizasaun hamutuk 400 pessoas husi Eskola Sekúndaria Santo Antonio hamutuk 200 estudantes no husi Eskola Pre-Sekundaria Vasco da Gama hamutuk 200 estudantes.
Xefe Unidade Aero-APC António Viegas Reprezenta Komandante Operasional Nasionál APC nasional hateten “ ba estudante sira ne’ebé tuir ona formasaun ne’e, atu bele partilla ba sira seluk no espera katak imi mós sai matan no tilun komunidade nian tamba imi mos bele fahe Informasaun ba komunidade ne’ebé hela iha fatin risku ba dezastre nune’e halo prevensaun lalais banhira mosu dezastre”
Iha sorin seluk, reprezenta Dirertór Eskola Pre-sekundaria Vasco da Gama, Atanasio Soares hateten “sensibilizasaun ne’e importante atu bele fó koñesimentu báziku ba estudante sira kona-bá dezastre, nune’e presiza pasa tutan informasaun ida ne’e, ba iha inan, aman no komunidade sira, oinsa hadok-an husi fatin risku ba dezastre”.
Geny Média APC Manatuto.