Manufahi, 26 Agustu 2024-Autoridade Protesaun Sivíl (APC) liuhusi Centro Nasional Operasional Protesaun Sivíl ( CNOPC ) ne’ebé lidera husi Xefe Unidade Terestre Martinho Fátima hamutuk ho ekipa APC Munisípiu Manufahi hala’o sensibilizasaun edukativu ba estudante EBC nain 400 husi EBC 1, 2, 3 Ailuli, Suku Letefoho, Postu Administrativu Same no EBC 1, 2, 3 Wedauberek, Suku Mahaquidan, Postu Administrativu Alas, Munisípiu Manufahi.
Iha sensibilizasuan ida ne’e, foka liu kona-bá oinsa halo preparasaun bainhira hasoru situasaun dezastre iha molok, antes no depois akontese dezastre Ida.
Hafoin sensibilizasaun ekipa Autoridade Protesaun Sivil mós entrega brosura kona-bá redusaun risku dezastre nian ba kordenador no kordenadora eskola rua, hodi nune’e fó hanoin nafatin ba sira nia estudante sira bainhira hasoru situasaun dezastre.
Branco Média APC Manufahi