Lautém, 12 Setembru 2024 – Insidente ne’e akontese iha tuku; 15:40 OTL iha loron 12/09/2024 ba vítima afetadu; Victor da Costa ne’ebé nia uma ai hanehan monu tamba kauza husi anin boot iha Aldeia Anarua, Suku Daudere, Postu Administrativu Lautém. Bainhira simu informasaun husi Xefe Suku Daudere; Agito Boavida mai Gabinete Komandu Operasional Autoridade Protesaun Sivíl (APC) Munisípiu Lautém, ekipa halo kedas intervensaun husi Korpu Bombeiros Brigada-I ne’ebé Komanda husi Segundu Komandante Victor da Costa Juni dezloka kedan ba fatin akontesimentu hodi tesi-ai refere.
Iha tempu ne’ebe hanesan, ekipa Gabinete Munisipál Jestaun Risku Dezastre lidera husi Xefe Olficâncio Palau Flores, hala’o kedas verifikasaun inklui entrega pakote emerjénsia hanesan ‘ai-han no mós la’os ai-han ba vítima afetada.
Tuir informasaun ne’ebé ekipa APC Lautém laiha ema ruma kanek no lakon vida maibé iha sasan uma laran vítima mak estragus
Eddy, Média APC Lautém.