Manatuto, 16 Setembru 2024- Sua Exelénsia Prezidenti Autoridade Protesaun Sivíl (APC); Jesuino dos Reis Matos Carvalho sorumutuk ho Prezidenti Autoridade Munisípiu Manatuto; Luis Inacio Henrique Fernandes, iha edefísiu Autoridade Munisipál Manatuto.
Objetivu sorumutu Prezidenti APC; Jesuino dos Reis Matos Carvalho ho PAM Manatuto hodi halo audiénsia espesial no hato’o agradese wain ba PAM Manatuto ne’ebé fornese ona rai hekatres rua ba APC hodi hari’I edefísiu integradu APC iha Munisípiu Manatuto nomós koordenasaun serbisu sira entre APC ho PAM liga ba asuntu dezastre durante ne’e.
Prezidenti APC mós akresenta liutan katak tuir planu APC sei loke tan Postu Bombeiros ida iha Natarbora.
Iha sorin seluk Sua-Exelénsia Prezidenti Autoridade Munisípiu Manatuto; Luis Inacio Henrique Fernandes, fó apresiasaun no agradese wain ba serbisu no apoia APC ninian durante ne’e halo kolaborasaun di’ak tebes hodi servi komunidade no estadu bainhira presiza.
Iha sorumutuk audiénsia Prezidenti APC ne’e, akompaña husi Diretór Gabinete relasaun Externa no Komunikasaun ; Cesario da Silva Marques, Diretora Gabinete Inspensaun no Auditoria; Odete Calado, Diretór Nasionál Bombeiros; Paulo Aníbal Maia de Oliveira, Komandante Unidade Especial Protesaun Sivíl ; Fernando da Costa, Komandante APC Manatuto; Afonso Soares da Silva no Komandante Korpu Bombeiros Manatuto; Domiber do T.D.R.N. Soares.
Hafoin atividade audiensia ho PAM Manatuto kontinua halo vizita ofisial ba estrura APC Munispiu
Manatuto.
Mateus GREC-APC