Díli, 16 Setembru 2024-Funsionáriu kazuais Autoridade protesaun sivil (APC) hamutuk 35 hosi diresaun tutela hanesan CNOPC, DNGRD, DNR, DNER, DNPM, UEPC, DNB tuir formasaun Ordén Unida, Primeru Intervenaun Kontra Inséndiu no Primeiru Sokorru.
Diretór CFPC, Mariano Ana Lopes hateten formasaun loron lima ne’e atu forma rekursu APC nian sai profesionál.
“Formasaun ida ne’e atu forma ema bele profisionál liu-liu liga ho asuntu protesaun sivíl nian, ne’ebé durante loron lima funsionáriu 35 sei hamutuk ho formadór sira husi Sentru Formasaun, Komando Opersaun Nasionál , Korpu Bombeirus sei fahe matéria kona-ba jestaun risku dezastre, premeiru intervensaun ba inséndiu no primeiru sokorru nian,” esplika Diretór CFPC.
Entretantu, matéria formasau durante loron lima inklui mós enkuardamentu legal protesaun sivíl, administrasaun públika, konseitu báziku dezastre, sistema nasionál jestaun dezastre, avaliasaun partisipatóriu risku dezastre, prevensaun ba inséndiu, mitigasaun ba périgu jeolojiku, asesmentu, premeiru intervensaun kontra inséndiu, matadaln implementa programa rekoperasaun, protesaun jéneru inkluzivu, primeiru sokorru báziku no jestaun resposta emerjénsia.
+10