APC BAUCAU FORNESE PAKOTE EMERJÉNSIA BA VÍTIMA NAIN 28

Baucau, 20 Setembru 2024-Autoridade Protesaun Sivíl (APC) Munisípiu Baucau liuhusi Gabinete Munisipál Jestaun Risku Dezastre ho Dezastre Munisipal oferese apoiu pakote emerjensia ba vítima 28 ne’ebé sira nia uma hetan estragus kauza husi anin boot iha loron 13-15/09/2024, iha Postu Administrativu Quelicai no Vemasse, Munisípiu Baucau.

Vitima hirak ne’e husi Aldeia Telaha, Suku Abafala hamutuk uma kain 6, Aldeia Caranu uma kain 6, Aldeia Assaloqui uma kain 2, Suku Guruca, Aldeia Lacolela uma kain 11, Suku Macalaco, Aldeia Bocilai uma kain 2.

Entertantu ekipa ida lidera husi Komandante APC Baucau; Francisco Viana Freitas akompaña husi Xefe Gabinete Munisipál Jestaun Risku Dezastre Basilio Amaral ho ekipa verifika nomós fornese pakote emerjénsia ba família Paulo da Silva husi Aldeia Bahamori, Suku Caicua, ne’ebé nia uma hetan estragus kauza anin boot iha 14 fulan Setembru tinan 2024.

Aliya Guterres Média APC Baucau