Ermera, 19 Setembru 2024-Autoridade Protesaun Sivíl (APC) Munisípiu Ermera lidera husi Xefe Gabinete Munisipál Rekooperasaun Filomena Soares ho ekipa hala’o monitorizasaun ba vítima uma kain 11 iha Postu Administrativu Atsabe, Munisípiu Ermera.
Vítima desastre ne’ebé simu ona materiál rekoperasaun husi Aldeia Ilat uma kain (1) Aldeia Coilequi uma kain (1) Suku Boboe Leten, Aldeia Taiubu uma kain (2) Aldeia Ataubu uma kain (1) Aldeia Aiabe uma kain (1) Suku Lasaun, Aldeia Badubere uma kain (1) Suku Atara, Aldeia Buibaro uma kain 4 Suku Leimea Leten.
Benefisiáriu husi Aldeia Buibaro Suku Leimea Leten; Fernando dos Santos reprezentante Sira seluk “Hato’o agradese ba governu ne’ebé liuhusi Autoridade Protesaun Sivíl (APC) Munisipiu Ermera, ne’ebé tun direta hodi halo monitorizasaun ba materiál ne’ebé governo fornese mai ami vítima desastre naturais no agora dadaun ami nia uma halo ona konstrusaun no balu foin hahú konstrusaun dala Ida tan ami agradese ba ita boot sira nia servisu bom trabalho bom susesu iha kareira servisu Maromak sei akonpaña ita boot sira nia servisu”.
Xefe Gabinete Munisipál Rekooperasaun Filomena Soares hato’o agradese ba vítima sira ne’ebé konstrui ona sira uma, dala Ida tan informa ba benefisiáriu sira seluk ne’ebé mak seidauk konstrui uma husu atu konstrui ona, karik la konstrui uma ka fan materiál ne’ebé mak governo fornese mak ekipa sei prosesu tuir Lei ne’ebé vigora ona iha Nasaun RDTL.
Basty Média APC Ermera.