Japaun, 12 Outobru 2024- Autoridade Proteção Civil (APC) liuhusi Gabinete Relasaun Externa no Komunikasaun delega nia pesoal Mateus da Costa hodi partisipa formasaun kona-bá Ecosystem-Disaster Risk Reduction (ECO-DRR) iha sidade Tsukuba-Japaun durante semana rua hahú iha loron 31 fulan Setembru to’o loron 11 fulan Outobru 2024.
Formasaun ida ne’e ho objetivu oinsa importánsia perseva no konserva ambiente matak ba redusaun risku dezastre sira hanesan rai monu, erosaun, inundasaun, ahi han floresta no seluk tan.
Hafoin enseramentu formasaun, Diretór Jerál JICA-Tsukuba Sr. Makoto Takahasi hateten susesu ba partisipante hotu ba programa ECO-DRR ida ne’e, no nia espera lisaun sira ne’ebé durante ne’e aprende bele nesesária ba implementasaun ECO-DRR iha kada nasaun sira hodi halo prevensaun ba risku dezastre ne’ebé mosu, nomós programa ida ne’e sei halo kada tinan tuir planu ne’ebé iha.
Iha biban hanesan reprezentante formandu sira husi nasaun Serbia, Sra. Sra. Marijana Raskovic iha nia diskursu enseramentu hato’o agradese wain ba biban no oportunidade hodi aprende lisaun importante ida ne’e, liuhusi fasilitador no péritus importantes ECO-DRR sira iha terenu nomós halo observa direitamente ba fatin implementasaun atividade ECO-DRR hanesan baze ba solusaun no prevensaun ba risku dezastre sira nune’e mós ba instrutór sira nia esplikasaun no akompañamentu durante programa lao.
Partisipa formasaun Eco-DRR ida ne’e hamutuk ema nain hitu (7) mak hanesan Zaganjori Megi husi nasaun Albania, Ravia Akesa Buna husi Fiji,Causevic Emir husi Bosnia & Hezerogovenia,Monizuzzman Md. husi Bangladesh, Thapa Ram Singh husi Nepal,Raskovic Marijana husi Serbia, no Mateus da Costa husi Timor-Leste.
Mateus (GREC-APC)