Ermera, 15 Outubru 2024-Autoridade Protesaun Sivíl (APC) Munisípiu Ermera hala’o lansamentu perfurasaun be’e ba Korpu Bomberios Munisípiu Ermera.
Iha sorin seluk Prezidenti Autoridade Munisípiu Ermera José Martinho dos Santos Soares agradese ba servisu APC-Bombeiros Munisipiu Ermera.
“ Ita boot sira nian servisu importante tebes ba ita nian munisípiu Ermera tamba ne’e hanesan Prezidenti Autoridade sempre apoiu ita boot sira servisu iha Munisípiu Ermera” dehan José Martinho dos Santos Soares Prezidenti Autoridade Munisípiu Ermera.
Iha biban ida ne’e Sua Exelénsia Secretário Estado Proteção Civil Timor-Leste Domingos Mariano Reis hala’o lansamentu ida ne’e hateten misaun Bombeiros importante tebes ba nasaun RDTL no Estadu.
“Misaun Bombeiros importante tebes ba nasaun RDTL no Estadu tamba hodi vida salva vida, buat ne’ebé importante mak rekursu humano, rekursu finanséiru, rekursu fasilidade nomós be’e hodi nune’e bele reforsa servisu Bombeiros nian”, dehan SEPC Domingos Mariano Reis.
SEPC reforsa tan katak Autoridade Proteção Civil tau preoridade be’e tinan ne’e to’o tinan oin Bombeiros hotu tenki iha ona be’e atu nune’e bele hala’o servisu ho di’ak.
Partisipa iha atividade lansamentu ne’e kompostu husi Secretàrio Estado Proteção Civil Timor Leste, Presidente Autoridade Munisipiu Ermera, adjunto Secretário assunto Administração e finanças, Director SASM, Reprezentante Diretór Obras Públicas, Komandante APC nomós funsionáriu Autoridade Proteção Civil Munisipiu Ermera.
Basty Média APC Ermera.