Manatuto, 21 Outobru 2024- Problema Elniñu no Laniña sai kestaun mundiál inklui iha Timor-Leste ne’ebé nia iklima tropical lasees atu hasoru dezastre refere tamba ne’e, Autoridade Protesaun Sivíl (APC) Munisipiu Manatuto lidera husi Xefe Gabineti Jestaun Rekursu João Soares hamutuk ho Kopru Bombeiros hala’o Sensebilizasaun kona-bá Preparasaun no Prevensaun hasoru fenomena Laniña no Elniñu inklui mós partilla papél no kna’ar Korpu Bombeiros ba iha komunidade no estrutura Suku Uma-Naruk, Postu Administrativu Laclo, Munisípiu Manatuto.
Xefe Gabineti Jestaun Rekursu João Soares iha nia intervensaun husu ba estrutura Suku Uma-Naruk liu-liu xefe Aldeia Sira atu servisu hamutuk ho APC oinsa responde emerjénsia banhira komunidade sira hetan dezastre tamba xefe Aldeia sira maka sai matan no tilun ba iha komunidade sira ne’ebé vulnerável.
Iha sorin seluk Xefe Suku Uma-Naruk iha niia abertura hateten , Nia agradese ba APC Tamba bele hili ona Suku Uma-Naruk hodi fahe no partilla informasaun kona-bá risku dezastre inklui papél Korpu Bombeiros ba iha estrutura Suku no Nia komunidade sira atu nune’e bele intende didi’ak APC nia servisu.
Geny Média APC Manatuto.