APC BAUCAU APOIU NO VERIFIKA UMA AHI HAN IHA VENILALE

Baucau, 21 Outobru 2024-Ahi han uma João Gario Freitas iha nia rezidénsia iha Aldeia Osoguigui, Suku Uma Ana Ulo, Postu Admnistrativu Venilale, Munisípiu Baucau, kauza husi ema deskoñesidu ne’ebé sunu floresta besik nia uma nune’e da’et ba nia uma hela fatin iha loron 19 fulan Outobru tinan 2024.

Ekipa APC Munisípiu Baucau lakonsege halo intervensaun rápida tamba informasaun husi parte lideránsa komunitária tarde.

Hafoin ida ne’e ekipa APC Munisipiu Baucau lidera husi Komandante; Francisco Viana Freitas, hamutuk ho ekipa ba iha fatin akontesementu hodi halo verifikasaun no fornese pakote emerjénsia aihan no laos aihan ba vítima João Gario Freitas.

Tuir informasaun ne’ebé ekipa APC asesu katak vítima laiha fatin tamba momentu ne’ebá vítima ba taka uma adat no laiha uma nune’e konsege lasalva sasan ruma.

Iha akontesementu ne’e larejulta ema kanek ka lakon vida maibé sasan uma laran hanesan, hahan, ropa, Tais Feto no Mane, fahi Rua, manu, Osan ,sasan seluk tan inklui dokumentus”

Aliya Guterres Media APC Baucau.