Baucau, 22 Outobru 2024-Representante Prezidenti Autoridade Munisipál Baucau II Sekretáriu Planeamentu Investimentu Dezenvolvimentu Integradu (PIDI) Eduardo Filipe Ximenes, hamutuk ho Komandante Autoridade Protesaun Sivíl Munisípiu Baucau; Francisco Viana Freitas ho Estrutura, Inklui Diretor Dezastre Munisipál Clementino Pedro Barbosa ho Estrutura Ofisialmente entrega pakote emerjénsia aihan no laos aihan ba família afetada hamutuk 57 Iha Postu Administrativu Quelicai, Munisípiu Baucau.
Vítima uma kain 57 ne’e mai husi Suku Letemumo, Aldeia Lebenei uma kain 28, Aldeia Ruta uma kain 7, Aldeia Manome uma kain 1, Aldeia Laumana uma kain 20 no Aldeia Letemumo uma kain 1.
Iha diskursu Reprejentante PAM Baucau Eduardo Filipe Ximenes hato’o “agradese ba Autoridade Protesaun Sivíl Munisipiu Baucau ho ekipa tomak atu nafatin servisu hamutuk ho entidades hotu-hotu tamba iha objetivu ida de’it oinsa bele proteze no fó prósperu di’ak ba ita nia nasaun no ita nia povu”.
Reprezentante PAM Baucau iha nia laifuan ikus katak prontu nafatin atu apoia servisu APC Baucau iha kaulker tempu kuandu presiza transporte hodi falisilita servisu liga ba dezastre naturais nomós apoia pakote emerjénsia.
Aliya Guterres Media APC Baucau