Manatuto, 17 Dezembru 2024 -Autoridade Protesaun Sivíl Munisípiu Manatuto lidera husi Xefe Brigada Charly Korpu Bombeiros Domingo Soares akompaña direta husi Segundu Komandante Filomena Lay Freitas ho ekipa simu informasaun husi komunidade katak hetan Domingos Soares mate iha mota laran, iha Aldeia Kondar Suku Uma-Kaduak, Postu Administrativu Laclo, Munisípiu Manatuto.
Entretantu informasaun ne’ebé ekipa hetan husi família matebian katak motivu husi mate ne’e rasik vítima ho idade ona ho kondisaun moras hela sai husi uma dehan atu ba hare’e família sira hela iha Rembor.
Vítima nia kaben ho nia oan hela iha Aldeia Rembor, Suku Aiteas, hamutuk ho nia oan sira tamba matebian katuas ona no laiha forsa hodi la’o no hakat ba mota sorin no ikus vítima rasik monu no ikus lakon vida iha mota laran.
Akontesimentu refere komandante orienta ekipa tun diretamente ba fatin akontese maibé iha ne’ebá ekipa Bombeiros la konsege foti mate isin tamba parte família sira foti ona mate isin no lori hikas fali ba matebian nia uma.
Eugenia Soares Média APC Manatuto.