𝐀𝐏𝐂 𝐑𝐄𝐉𝐈𝐒𝐓𝐀 𝐄𝐌𝐀 𝐈𝐃𝐀 𝐋𝐀𝐊𝐎𝐍, 𝐄𝐌𝐀 𝐀𝐅𝐄𝐈𝐓𝐀𝐃𝐔 𝟐𝟕

Dili, 20 Janeiru 2025-𝐀𝐮𝐭𝐨𝐫𝐢𝐝𝐚𝐝𝐞 𝐏𝐫𝐨𝐫𝐞𝐬𝐚𝐮𝐧 𝐒𝐢𝐯𝐢́𝐥 (𝐀𝐏𝐂) 𝐥𝐢𝐮 𝐡𝐨𝐬𝐢 𝐗𝐞𝐟𝐞 𝐒𝐞𝐤𝐚𝐬𝐚𝐮𝐧 𝐑𝐞𝐥𝐚𝐬𝐚𝐮𝐧 𝐄𝐱𝐭𝐞𝐫𝐧𝐚, 𝐍𝐞𝐥𝐬𝐨𝐧 𝐍𝐮𝐧𝐞𝐬 𝐝𝐞 𝐎𝐫𝐥𝐞𝐚𝐧𝐬 𝐢𝐧𝐟𝐨𝐫𝐦𝐚 𝐬𝐞𝐦𝐚𝐧𝐚 𝐡𝐚𝐡𝐮́ 𝐡𝐨𝐬𝐢 𝟏𝟑 𝐭𝐨’𝐨 𝟐𝟎 𝐉𝐚𝐧𝐞𝐢𝐫𝐮 𝟐𝟎𝟐𝟓 𝐀𝐏𝐂 𝐫𝐞𝐣𝐢𝐬𝐭𝐚 𝐞𝐦𝐚 𝐢𝐝𝐚 𝐥𝐚𝐤𝐨𝐧 𝐯𝐢𝐝𝐚 𝐧𝐨 𝐞𝐦𝐚 𝐚𝐟𝐞𝐢𝐭𝐚𝐝𝐮 𝐛𝐚 𝐝𝐞𝐳𝐚𝐬𝐭𝐫𝐞 𝐚𝐧𝐢𝐧 𝐬𝐨𝐛𝐮 𝐧𝐨 𝐢𝐧𝐬𝐞́𝐧𝐝𝐢𝐮 𝐡𝐚𝐦𝐮𝐭𝐮𝐤 𝟐𝟕.

“Durante semana ida ne’e, iha rejiaun Timor-Leste normál no akontese tipu dezastre ahi han (2), anin bo’ot (3), prienxe kritéria (5), apoiu de’it emerjénsia (1), (Mate 1, mota lori seida’uk hetan 1), númeru ema afetadus (27),” relata Xefe Sekasaun Relasaun Externa, Nelson Nunes de Orleans liu husi konferénsia imprensa iha salaun, APC-Kaikoli.

Porta vós APC mensiona munisípiu sira, ne’ebé afeita ba dezastre hamutuk munisípiu 6 kompostu hosi munisípiu Aileu, Baukau, Dili, Ermera, Manufahi no Viqueque.

“Munisípiu Aileu rai lakan fera ema ida (1), munisípiu Baucau ahi han uma (1), munisípiu Dili anin sobu (1), ahi han (1), Municipiu Ermera anin sobu uma (1), Munisípio Manufahi anin sobu (1), Munisípiu Viqueque mota lori (mate1 seida’uk hetan), ahi han (1),” haktuir Xefe Seksaun, Nelson Nunes de Orleans.

Nia esplika ema ida lakon vida, tanba mota mak lori akontese iha loron 13 Janeiru 2025 iha aldeia Lamak Laran, suku Caraubalo, postu administrativu Viqueque Vila, munisípiu Viqueque.

Porta vós APC husu ba komunidade sira bainhira udan bo’ot atu hases-an hosi fatin risku hanesan mota ninin, foho lolon, ai-hun bo’ot, liña eletrisidade, rai dokumentus importante iha fatin ne’ebé seguru no sujere iha situasaun emerjénsia ruma halo tuir orientasaun autoridade lokál ka APC ne’ebé besik, karik persija halo evakuasaun, mantein kalma nafatin, buka fatin ne’ebé seguru no evita pániku.

Entretantu, relasiona akontesimentu dezastre iha semana ida ne’e parte Komandu APC munisípiu sira fo ona apoiu emerjénsia ba vítima afeitadu no Komandu kontinua halo asesmentu no verifikasaun ba estragus.

#Média APC