Baucau, 07 Fevereiru 2025- Autoridade Protesaun Sivíl Munisípiu Baucau ho Diresaun ne’ebé tutela iha Ministerio Interior hanesan APC, DNPCC ho DNSPP ho estrutura tomak simu Vizita Sua Exelénsia Ministru Interior , Francisco da Costa Guterres Ph.D akompaña husi Prezidente Autoridade Protesaun Sivíl Jesuino dos Reis de Matos Carvalho, Komandante Operasional Nasional, Superintendeti Assistente Nuno Romualdo Gomes ho Komitiva tomak iha edefísiu Apuramentu Munisípiu Baucau.
Iha Biban ne’e Prezidente Autoridade Protesaun Sivil Jesuino dos Reis de Matos Carvalho hateten “ Ohin oportunidade boot Ida ba Ita atu hasoru malu Ministru Interior hodi esklarese saida mak ita hasoru iha baze. Ita agradese no orgullu tamba Ita hetan Ministru ida ne’ebé hakarak atu fó nia atensaun tomak maske iha dezafiu barak ita hasoru, buat hotu sei la’o neneik i bele rezollve ho di’ak tamba ne’e, ho Ministru nia prezensa mai ita ko’alia no hato’o saida mak ita hasoru iha baze fiar katak Sua Exelénsia Ministru Interior sei rezolve ho di’ak”.
Iha biban ida ne’e, Ministro Interior hateten presiza rona malu, respeita malu hodi servi ita nia povu ho laran tebes hodi hadia ita nia rain.
” Ohin loraik ita hasoru malu iha ne’e atu rona malu saida mak ita persiza halo hodi servi rai no povu ida ne’e, ita nia objetivu ne’e ida deit oinsa ita servisu atu bele hadia no bele rejolve povu nia situasaun kuandu nia monu iha susar laran, imi nia prezensa iha komunidade ne’e kura, rekopera, no ajuda. Imi nia funsaun halo prevensaun no tenta ko’alia ho komunidade hodi minimiza risku dezastre, maibé akontese dezastre ruma liu liga imi nia ajuda dada sai sira husi situasaun difisíl nia laran ” hateten Sua Exelénsia Ministru Interior Francisco da Costa Guterres P.hD.
Natalia Guterres Média APC Baucau.