Dili, 10 Fevereiru 2025- Autoridade Protesaun Sivíl ( APC ) nomeadamente Xefe Relasaun Esterna, Nelson Nunes de Orleans liu husi konferensia imprensa relata dadus semanal hahu husi loron 03-10 Fevereiru 2025 APC rejista uma hamutuk 41 afeita ba dezastre anin sobu, rai halai no ahi han, maioria anin sobru hamutuk 29.
“Durante semana ida ne’e iha rejiaun Timor-Leste akontese tipu dezastre ne’ebé APC-CNOPS rejista dadus hanesan, prienxe kritéria (33), apoiu de’it emerjénsia (, númeru ema afetadus (185) ema evakua (99), anin bo’ot (29), rai halai (7), ahi han (5) mai ” relata Xefe Relasaun Esterna APC Nelson Nunes de Orleans liu husi atualizasaun dadus dezastre semanal iha salaun, APC-Kaikoli.
Porta vóz APC mensiona munisípiu sira, ne’ebé afeita ba dezastre hamutuk munisípiu 9 kompostu hosi munisípiu Aileu, Ainaro, Bobonaru, Dili, Ermera, Liquiça, Manufahi, Viqueque no Covalima.
Xefe Relasaun Externa salienta liután APC halo verifikasaun ba dadus ba sasan ne’ebé mak hetan estragus husi dezastre naturais balun hetan rekoperasaun no balun sei iha prosesu verfikasaun no APC mós apoiu pakote emerjénsia hanesan aihan no laos aihan ba familia afetadu dezastre naturais.
Xefe Relasaun Esterna lori Autoridade Protesaun Sivíl nafatin alerta ba populasaun Timor-Leste sira atu hadook a’an husi fatin risku dezastre,liu-liu ba peskador,Kondutor, nafatin kuidadu aan iha anin bo’ot,udan bo’ot no prevene aan bainhira hasoru dezastre.
#Média APC