𝐀𝐏𝐂 𝐏𝐀𝐑𝐓𝐈𝐒𝐈𝐏𝐀 𝐓𝐑𝐄𝐈𝐍𝐀𝐌𝐄𝐍𝐓𝐔 𝐉𝐄𝐒𝐓𝐀𝐔𝐍 𝐑𝐈𝐒𝐊𝐔 𝐃𝐄𝐙𝐀𝐒𝐓𝐑𝐄 𝐈𝐇𝐀 𝐊𝐎𝐑𝐄𝐀

Durante semana ida hahú hosi, 17 to’o 22 Fevereiru 2025, funsionáriu Autoridade Protesaun Sivíl (APC) ba tuir treinamentu kona-ba 𝐀𝐒𝐄𝐀𝐍 𝐃𝐢𝐬𝐚𝐬𝐭𝐞𝐫 𝐑𝐢𝐬𝐤 𝐌𝐚𝐧𝐚𝐠𝐞𝐦𝐞𝐧𝐭 𝐂𝐚𝐩𝐚𝐜𝐢𝐭𝐲 𝐁𝐮𝐢𝐥𝐝𝐢𝐧𝐠 𝐏𝐫𝐨𝐠𝐫𝐚𝐦 𝐟𝐨𝐫 𝐀𝐌𝐒 (𝟏𝟔𝐭𝐡 𝐁𝐚𝐭𝐜𝐡) iha sidade Seoul no Deajon, Korea.

Ho formasaun refere parte ida atu dezenvolve no reforsa kapasitasaun rekursu umanu APC nian iha área jestaun risku dezastre, inklui atu preense kritéria hodi asegura partisipasaun Timor-Leste atu sai membru plenu ba ASEAN iha futuru mai.

Treinamentu durante semana ida foku liubá matéria ho tématika importante sira hanesan sistema jestaun dezastre, medida prevensaun no mitigasaun Korea nian ba asuntu dezastre, sistema responde ba tsunami no rai nakdoko, mudansa klimátika no jestaun dezastre, jestaun seguransa kímika no responde ba asidente kímiku, inundasaun no responde ba dezastre nomós oinsa utiliza teknolójia foun hanesan drone hodi responde ba dezastre.

Treinamentu ne’e realiza hodi eleva kapasidade nasaun membru ASEAN (Singapura, Indonésia, Malásia, Tailándia, Vietnam, Kambódia, Filipina, Laos, Brunei Darussalam no Mianmar), inklui Timor-Leste nu’udar observadór atu responde ba dezastre.

Programa kapasitasaun ASEAN Disaster Risk Management Capacity Building ba nasaun membru ASEAN hetan suporta hosi AKCF (ASEAN-KOREA Cooperation Fund) ho NDTI (National Civil Defense and Disaster Management Training Institute) iha Korea.

#Média APC