Ermera, 28 Fevereiru 2025- Xefe Brigada II Korpu Bombeiros Munisipiu Ermera Gil da Costa Barros hamutuk ho ekipa tun direta tesi ai ne’ebé tohar no monu iha estrada públiku, nune’e normaliza fila-fali movimentu transporte públika iha diresaun Biluli , Suku Poetete, Postu Administrativu Ermera, munisípiu Ermera.
Ai ne’e monu tamba kauza husi udan no anin boot ne’ebé akontese durante semana ne’e iha Rejiaun Timor-Leste hodi provoka erosaun, rai monu, inundasaun no anin sobu kuaze estraga sasan barak komunidade nian nomós impede movimentu rodaviáriu sira.
Husi akontesementu ne’e, ekipa APC husi Nasionál to’o munisípiu nafatin apela ba komunidade sira iha teritóriu nasionál atu labele halo viajen bainhira iha tempu udan no labele halo peska bainhira tempu anin no laloran boot iha tasi.
Sebastião dos Santos Média APC Ermera