Manatuto, 04 Marsu 2025 – Komando Autoridade Protesaun Sivíl (APC) Munisípiu Manatuto hamutuk ho estrutura tomak simu vizita kortezia Sua Exelénsia Ministro do Interior Francisco da Costa Guterres Ph.D hamutuk ho nia komitiva tomak, ho parada no kultura tara tais iha Munsípiu Manatuto.
“Objetivu Kortezia prinsipál husi vizita Ministro do Interior Frascisco da Costa Guterres Ph.D ba kada diresaun hirak ne’ebé tutela iha Ministeiro do Interior hanesan, APC, DNPCC, DNSPP no PNTL iha teritóriu tomak atu fortifika atendementu públiku ne’ebé di’ak liu tan iha baze no mós respeita ba Hiraquia de Servisu iha sistema administrasaun nia laran.
Iha biban ida ne’e Ministro do Interior hateten tenki disiplina no respeita Hirarquia de Serviço iha sistema admnistrasaun nia laran.
“Husu APC tenke servisu ho disiplina tamba povu sira presiza hela imi kuandu iha dezastre, bainhira povu iha susar no terus imi maka to’o uluk, tanba imi-nia prezensa hasai sira husi tauk no laran susar no sira bele sente, iha ema bele ajuda sira iha situasaun difísil nia laran, imi mós iha servisu importante ida, atu ba fó hatene ba povu sira labele hela besik iha mota ninin sira atu nune’e iha tempu udan, sira la afeita ba dezastre no hadok-an husi risku dezastre nian, imi maka tau matan ba povu sira ne’e”, dehan Ministro do Interior Francisco da Costa Guterres P.h D.
Imi nafatin dezempeña imi-nia servisu lorloron, para povu bele senti saida maka imi halo ne’e no bele ajuda sira, sente hakmatek no laran kaman.
Iha biban ida ne’e mós Ministro do Interior Frascisco da Costa Guterres, P.hD, rona no halo observasaun dereitamente ba kondisaun nomós preokupasaun sira ne’ebé enfreta iha baze.
Enkontru ne’ebé hala’o iha Postu Administrasaun Munisípiu Manatuto akompañamentu hosi Prezidente Autoridade Protesaun Sivíl, Jesuíno dos Reis Matos Carvalho, no-mos Diretór Jerál Seguransa Prevensaun Konflitus Gaspar de Sousa inklui Direktores Nasional no xefe Departamentu Sira.
Eugenia Soares Média APC Manatuto