Ermera,12 Marsu 2025 – Autoridade Protssaun Sivíl Munisípiu Ermera lidera husi Xefe Gabinete Diresaun Nasional Rekooperasun Munisípiu Ermera Filomena Soares hamutuk ho ekipa hala’o verifikasaun ba vítima dezastre hamutuk uma kain (20), iha Postu Administrativu Atsabe, Munisípiu Ermera.
Vitima afetadu ba dezastre iha Suku Lação uma kain (3), Suku Obulo uma kain (4), Suku Atara uma kain (3), Suku Malabe uma (2), Suku Lau bono uma kain (1), Suku Baboe Karaik (1), Suku Baboe Lete uma kain (2) no Suku Leimea Lete uma kain (4).
Alende ne’e tuir observasaun dereita husi ekipa APC Munisípiu Ermera hatudu katak uma kain 13 mak tama ba kategoria no uma hamutuk 7 mak la tama kategoria hafoin halo verifikasaun iha Postu Administrativu Atsabe, Munisípiu Ermera.
Vitima Erminda Carlota husi Suku Lação, Postu Administrativu Atsabe hato’o ninia agradesementu ba APC Munisípiu Ermera tamba bele hare’e dereitamente kondisaun sira ne’ebé enfrenta husi vítima sira hafon akontese dezastre
“Agradese ba servisu Autoridade Protesaun Sivíl (APC) Munisípiu Ermera ne’ebé tun direta hodi hala’o verifikasaun ba ami nia uma ne’ebé hetan estragus tamba kauza husi anin no udan boot ne’ebé akontese kuaze lor-loron” dehan Erminda Carlota
Xefe Gabinete Diresaun Nasional Rekooperasun Munisípiu Ermera Filomena Soares “nafatin apela ba komunidade sira hotu iha Postu Administrativu Atsabe laran tomak atu nafatin kumpri ordem husi parte relevante tamba agora ne’e tempu udan boot no anin boot.
Sebastião dos Santos Média APC Ermera.