Bobonaro 13 Marsu 2025-Autoridade Protesaun Sivíl Munisípiu Bobonaro simu vizita Ministerio do Interior Fransisco da Costa Guteres,Ph.D, hamututk ho nia komitiva husi Nasonal.
Objetivu husi vizita Sua Exelénsia Ministro do Interior Francisco da Costa Guterres Ph,D atu rona no observa dereita dezafiu sira ne’ebé durante ne’e hasoru husi membru sira iha baze.
Ministro do Interior Francisco da Costa Guterres Ph,D hateten presiza atende ema hanesan lahare’e ba koor, relijiaun, rasa, kultura ka partidu ruma.
“Husu ba funsionáriu sira hotu iha Munisípiu Bobonaro iha servisu fatin atende ba komunidade sira ho oin hamnasa ba sira, labele hare’e ba kor ka partidu ruma. Nune’e mós banhira mosu dezastre ba komunidade sira iha susar no terus imi mak sei hakaman sira nia naha todan iha sira nia kabas, atende sira hanesan “ . dehan Ministro do Interior Francisco da Costa Guterres Ph,D
Enkontru iha Salaun Postu Administrativu Maliana, Munisípiu Bobonaro, ne’ebé partisipa husi PNTL, APC, DNPKK, DNB, DNSPP, delegasaun territorial husi kada liña ministerial sira nomós lideránsa komunitária husi Munisípiu Bobonaro.
Domingos Moniz Armando Média APC Bobonaro