Ermera, 14 Marsu 2025 – Autoridade Protesaun Sivíl Munisípiu Ermera lidera husi Xefe Gabinete Diresaun Nasional Rekoperasaun Filomena Soares hamutuk ho ekipa hala’o verifikasaun ba vítima ba dezastre hamutuk uma kain 10, iha Postu Administrativu Letefoho, Munisipiu Ermera..
Vítima afetadu kompostu husi Suku Lauana uma kain 2, Suku Hatugan uma kain 2, Suku Haupu uma kain 2, Suku Katrai leten uma kain 2, Suku Dukari uma kain 2.
Alende ne’e tuir observasaun dereita husi APC Munisípiu Ermera hatudu katak uma 4 mak tama ba kategoria no uma 6 mak la kategoria hofoin verifikasaun iha Postu Administrativu Letefoho, Munisípiu Ermera.
Vítima Isabel Soares husi Suku Lauana, Postu Administrativu Letefoho hato’o ninia agradesimentu ba APC Munisípiu Ermera tamba bele hare’e diretamente sira nia kondiasaun ne’ebé sira enfrenta.
Uma komunidade ne’ebé hetan estragus kuaze maioria husi anin sobu no udan bo’ot ne’ebé akontese loro-loron
Sebastião dos Santos Média APC Ermera.