Lautém, 17 Marsu 2025 – Akontesimentu dezastre inséndiu ne’e, akontese iha oras tuku 10:15 OTL, ba vítima afetada Bernadete dos Santos, husi Aldeia Ira’Ono, Suku Com, Postu Administrativu Lautém, Munisípiu Lautém. Inséndiu ne’e akontese, tanba kauza husi sirkuitu eletrisidade, ne’ebé rezulta uma-hela vítima afetada inklui sasán uma-laran sai motuk hotu.
Relasiona ho insidente ne’e, hafoin simu informasaun husi família vítima afetada, Autoridade Protesaun Sivíl (APC) Munisípiu Lautém liu husi Gabinete Munisipál Jestaun Risku Dezastre ne’ebé Xefia husi Olficâncio Palau Flores no Xefe Gabinete Munisipál Rekuperasaun Florindo da Costa Neves, dezloka kedan ba fatin akontesimentu iha área Síkara, Suku Com hodi halo asesmentu no mós apoiu pakote emerjénsia hanesan ai-han no la’os ai-han ba vítima refere.
Bazeia ba observasaun husi ekipa servisu APC Munisípiu Lautém katak, uma vítima afetada refere APC Munisípiu Lautém bele verifika tanba hare’e ba nível estragus husi uma ne’ebé ai-han, pertense ba kategória aat-totál.
Husi akontesimentu inséndiu ne’e rezulta ai-han, sasán uma-laran inklui dokumentus importante sira sai motuk hotu, maibe la-rezulta ema ruma kanek ou lakon vida iha dezastre ne’e.
Ildefonso Soares, Média APC Lautém.