RAEOA, 26 Marsu 2025- Fenando Punef hakotu nia is hafoin akontese inséndiu ne’ebé kauza husi sirkuitu eletrisidade iha loron 25 fulan Marsu tinan 2025, iha tuku 20: 4o kalan, iha Aldeia Kuatenes, Suku Lela-Ufe, Sub-Rejiaun Nítibe, RAEOA.
Tuir informasaun ne’ebé ekipa APC asesu iha fatin akontesementu katak vítima nia aman Melichior Punef hetan kanek mós iha parte ain no liman maibé vítima nia rasik labele salva nia oan Fernando Punef idade hitu (7) tamba ahi han ho alargamentu maka’as hodi sunu mutuk vítima nia uma tomak.
Iha akontesementu ne’e vítima sofre maka’as, lakon nia oan mane nomós ho kondisaun uma ne’ebé estragus total.
Ekipa APC-RAEOA liu husi Komandante Autoridade Protesaun Sivil João da Silva Sila, hamutuk ho ekipa fornese kedas pakote emerjénsia hanesan aihan no laos aihan ba xefe família Melicheor Punef
Agora dadauk família vítima prepara hela funebre ba nia oan Fernando Punef ne’ebé hakotu is kauza husi inséndiu refere.
Pedro Martins Média APC-RAEOA.