Dili, 11 Abril 2025
Funsionariu APC hotu, halo Reflexão hodi selebra Eukaristia molok tama ba semana Santa, ne’ebé prezide husi Amu Abril Lopes, Amu kapelaun PNTL iha Kapela Santo Antônio Centro Formasaun Polísia Comoro.
Padre Kapelaun, Abril Lopes hateten Iha reflexaun né atu lori Ita ba reflete oinsá ita atu lori ita ida-idak nia kruz ba to’o nia rohan, tamba kruz mak dalan salvasaun.
“Bainhira ita halo ita-nia servisu ka kna’ar hanesan funsionariu ida hanesan Prezidente ida, hanesan Diretor ida, ne’e hanesan kruz todan ida ne’ebe mak ita ida-idak lori hela iha ita nia moris tamba ne’e hanesan funsionariu ida tenke iha responsabilidade ba nia kna’ar no mós ho sira seluk,” Esplika Amu.
Padre mos apresia no enkoraja funsionario APC iha ona mahein rasik enkuantu PNTL ho Edukasaun.
“Hau Apresia Autoridade protesaun Sivil iha ona mahein enkuantu PNTL ho edukasaun tamba instituisaun sira seluk hau seidauk hatene iha mahein ka lae, tamba ne’e imi luta ba isin nian maibe labele haluha luta mós ba klamar nian” dehan Padre Selebrante.
Aleinde ne’e Prezidente APC Jesuíno dos Reis Matos Carvalho mós hato’o obrigadu ba padre selebrante ba amu nia vontade ho reflxaun ne’ebe dezafia tebes funsionariu APC.
“Reflexaun husi amu nee diak teb-tebes signifika ba ami hotu atu hatudu ami nia hanoin nu’udar ema katolika sai ema nbe atu prontu serve nafatin ba estadu no governu ida ne’e no ba povu rai timor , obrigadu tebes ba amu nia vontade ba loraik ida ne’e béle fo dezafia ba ami funsionariu tomak diretor sira, xefe departamentu sira, ba funsionariu tomak APC ninian ho liafuan kmanek ne’ebe mak ohin ami simu no husu bo’ot ba ami atu kruz ne’ebe ami lori ho ne’on ho laran tomak ho haraik a’an atu servi ba nafatin,” hateten Prezidente APC.
Lideransa APC louva no obrigado mós ho funsionariu sira hotu ba diretor ezekutivu, diretor DNGR ba tempu durante akompnha via sakra , ba sira ne’ebe fo tempu mai akompaña iha misa ida né no ba sira ne’ebe la partispa tanba halo hela sira nia kna’ar hodi defende komunidade sira.
Média APC