Lautém, 16 Abríl 2025 – Autoridade Protesaun Sivíl (APC) Munisípiu Lautém, liu husi Korpu Bombeiros Brigada-I ne’ebé xefia husi Lucas Xavier, tesi-ai ne’ebé monu taka estrada públiku (desobstrução de via) diresaun Lospalos-Dili.
Insidente ai taka-dalan ne’e, konsege difikulta movimentasaun transporte públiku iha minutu balun nia laran molok ekipa Korpu Bombeiros to’o fatin akontesimentu.
Hakarak informa katak, insidente ai-tohar ne’e fo impaktu mós ba fiu (cabo) eletrisidade iha estrada públiku nomós fiu ne’ebé isntala iha uma komunidade ne’ebé besik iha área refere, maibe la-rezulta ema ruma kanek ou lakon vida. Dadaun ne’e, movimentasaun transporte públiku diresaun Lospalos-Dili la’o normal fila-fali.
Enkuantu durante atividade tesi-ai ne’ebé hala’o husi Korpu Bombeiros Brigada-I hahú husi oras tuku 15:25 até 17:20 OTL, hetan kontrolu direta husi Segundu Komandante Korpu Bombeiros (KB) Munisípiu Lautém Victor da Costa Juni, to’o remata.
Ildefonso Soares, Média APC Lautém.