Lautém, 25 Abríl 2025 – Ekipa konjunta kompostu husi Autoridade Protesaun Sivíl (APC) Munisípiu Lautém, PNTL, UPM, Força Naval, Autoridade Lokál no komunidade sira kontinua buka tuir (busca) komunidade na’in ida ho naran; José Belo Freitas, husi Suku Ililai, ne’ebé deskonfia ‘lakon’ iha área tasi-ibun Suku Ililai, Postu Administrativu Lautém foin lalais ne’e iha loron 23 fulan Abril Tinan 2025
Átividade buska ne’e hahú iha oras tuku 09:00 no remata iha tuku 18:25 OTL, maibé seidauk hetan rezultadu, nune’e tuir planu husi ekipa konjunta nian, atividade busca ne’e sei kontinua iha loron sábadu aban iha fatin ne’ebé hanesan.
Ildefonso Soares Média APC Lautém.