Adjunto Marítima

Cosme Camilo da Costa

Direitór Nasionál Bombeiros simu konfiansa hosi Prezidente Autoridade Protesaun Sivíl, Superintendente PNTL, Ismael da Costa M.Sc. sai nu’udar Diretór Nasionál Bombeiros iha dia 1 Janéiru 2023.

Simu responsabilidade hodi asume kargu Direitúr Nasionál Bombeiros,” molok ne’e sai

Adjuntu Komandante Operasionál APC Munisípiu Dili iha 29 Jullu 2022.

Cosme Costa la’os ema foun iha Bombeiros ne´ebé nia dedika-an ona desde loron 9 Novembru 1999 bainhira korpu ne´e hari’i.

Iha prosesu luta ba independénsia, Cosme Costa mós koñesidu nu´udar pesoál ne´ebé involve mós iha prosesu luta ba ukun rasik-an. Iha tempu okupasaun Indonézia hetan kapturasaun hosi SGI Nangalla no detidu iha Colmera tamba ativu iha organizasaun klandestina hahú kedan iha tinan 1990-1991.

Konsege livre, esperitu luta kontinua metin nafatin iha nia fuan no kontinua fali ligasaun Sekreta ba Rejiaun IV liña Komandante Nino Konis Santana to’o nia mate.

Cosme mós nu´udar ema ida ne´ebé lori tama telefone Satellite rua husi rai ketan Kupang, Indonézia mai tama Mertutu, Munisípiu Ermera. Iha nia servisu klandestina ne´e mós maka lori tama sai ailaran no artigus balun ne´ebé ligadu ba Timor-Leste nia luta.

Cosme hahú nia kareira liuhosi formasaun Bombeiros iha 9 Novembru 1999 to’o 23 Abril 2000.

Iha 2 Jullu 2000 iha tempu Governu Tranzitóriu hetan kedan konfiansa nu´udar Adjuntu Komandante Bombeiros Dili. Kargu ne´e asume to´o tinan 2001.

Hafoin Bombeiros hetan rekoñesementu nu´udar instituisaun offisiál, hetan kedan oportunidade partisipa formasaun iha CINTRA Lisboa, Portugal hahú 10 Outubru – 20 Novembru 2000.

Iha 10 Agustu 2001, hetan ona rekoñesementu nu´udar funsionáriu permanente ho nível salariál L3 no okupa kargu hanesan Adjuntu Komandante Bombeiros Dili to’o Marsu 2009.

Iha 25 Abril 2009 to´o 2012 hetan fiar husi superiór sira hodi ezerse kargu nu’udar Komandante Bombeiros Oecusse ho nível salariál L4 (grau D).

Iha 4 – 19 Outobru 2011 termina mós Formasaun Esensiál Tékniku Profesionál Grau C no D.

Tinan 2012 hetan konfiansa fali hodi asume kargu Komandante Bombeiros Dili.

Iha 2 – 6 Setembru 2013 partisipa kursu iha Jakarta, Indonezia kona ba Problem Solving and Decision Making.

Iha 22 Dezembru 2014 asume kargu hanesan Komandante ba Sentru Formasaun Bombeiros iha Dili.

Iha 9 Marsu 2015 hetan promosaun ba téknika profesionál grau C.

Iha 1 Setembru 2021, hetan fiar asume kna´ar Komandante Nasionál ba Bombeiros  to’o Jullu 2022.

Iha 04 Janéiro 2024 hetan fali kna’ar foun APC nu’udar Adjunto Marítima