Komandante Operasionál APC Munisípiu Covalima
Inspetór Xefe PNTL Flávio Dos Santos Mendes, moris iha Suai, Munisípiu Covalima iha loron 08 fulan Dezembru 1972 Hasai nia nível edukasaun sekundária iha Sekolah Kehutanan Menengah Atas (SKMA) Majalengka, Jawa Barat, Indonezia iha tinan 1988 to’o 1991.
Iha tinan 1992-1999 hahú nia kareíra servisu sivil iha Balai Rehabilitasi Lahan dan Konversasi Tanah Dili.
Hafoin Timor-Leste hetan nia independénsia totál hosi Nasoens Unidas iha tinan 2002 ba serve iha Diresaun Nasionál Transporte no Terrestre (DNTT) iha Dili.
Desizaun Flávio dos Santos Mendes tama polísia nia foti iha tinan 2003 nu´udar membru ba kontrolu asuntu Motor Transporte Office (MTO) kolokadu iha PNTL Distritu Dili.
Prestasaun ne´ebé hatudu husi Flávio, Iha tinan 2004 hetan konfiansa foun hodi servisu iha Departamentu Lonjístika iha Komandu Jerál PNTL.
Iha tinan 2005-2008 hetan promosaun hodi asume kargu nu’udar Komandante Eskuadra Tilomar iha Distritu Covalima. Susesu lidera Eskuarda Tilomar, iha tinan 2008-2009 hetan fali konfiansa foun hodi lidera Eskuadra Zumalai nu´udar Komandante Eskuadra.
Komandante Eskuadra Fatumea mos konsege nia lidera iha tinan 2009-2010.
Esperénsia nu´udar Komandante Eskuadra tolu iha Tilomar, Zumalai no Fatumea, lori offisiais PNTL ne´e hetan konfiansa tan Iha tinan 2010-2013 hodi asume kargu foun nu’udar Xefi Seksaun Administrasaun Komandu PNTL Munisípiu Covalima no iha tinan 2013-2014 mose konsege asumi kargu nu´udar xefe seksaun Operasaun Komandu PNTL Munisípiu Covalima.
Maske nu´udar ema Suai, Flávio kumpri nafatin ordem komando hodi servisu iha ne´ebé de’it no iha tinan 2014-2016 hetan órden hodi asumi Komandante Eskuadra Manatuto Vila iha Munisípiu Manatuto.
Hosi Manatuto, Flavio muda fali ba Munisipiu Ainaro hodi asumi kargu Komandante Eskuadra Ainaro Villa tiha tinan 2017-2019 no ikus iha 2019-2022 hetan konfiansa nu´udar Komandante Seksaun Operasaun ba Komando PNTL Munisípiu Ainaro.
Antes hetan konfiansa ho kargu atual nu´udar Komandante Operasaun APC Munisipiu Covalima ne´ebe nia simu iha 29 Jullu 2022, Flávio konsege lidera Eskuadra PNTL Suai Vila hahu Fevereiru to´o Jullu 2022.