Komandante OperasionÁl NasionÁl

Superintendente Assistenti Nuno Romualdo Gomes, moris iha Dili, 23 Outubro 1973. Nu´udar Polísia ho nia Lisensiatura iha Administrasaun Públika molok asumi kargu nu´udar Komandante Operasionál Nasionál Autoridade Protesaun Sivíl (APC) nian, halo kna´ar nu´udar Xefe Inspesaun no Auditoria Operasaun Nasionál Polisia Nasionál Timor-Leste (PNTL) husi 2019 to´o 2022 ho nia deviza Superintendente Assistente, ne´ebé antes ne´e ho deviza Inspetór Xefe.

Nuno Romualdo Gomes hahú nia servisu tinan 2002 nu´udar ajente Polísia ida no iha Tinan 2005-2007 asumi kedan kargu ba Segundu Komandante Investigasaun Kriminál PNTL Munisípiu Dili ho deviza ajente. Maski nafatin ho postu ajente, iha Tinan 2008-2010 no hetan promosaun nu´udar   Komandante Operasionál Nasionál iha Servisu Investigasaun Kriminál Nasionál iha Kuartél Jerál PNTL.

Dedikasaun nomós prestasaun ne´ebé nia hatudu, iha Tinan 2010, Nuno Romualdo Gomes hetan  promosaun deviza husi postu ajente ba Inspetór Xefe hodi  asume kedas kargu ba Gabinete Inspesaun no Auditoria PNTL. Kargu refere nia asume husi  tinan 2010 to´o 2019.